Pages

Friday, December 21, 2012

كيف يحمي الهاكرز انفسهم من الأختراق


آدريان لامو .. واحد من الهكرز السابقين المشهورين في امريكا لاجا يستخدم النت يفحص كل ابو شي . فمثلا اذا جا يسجل دخول على حساباته الشخصيه يستخدم مولد باسووردات .. وهي آله تطلع له سلسلة ارقام كل 60 ثانيه .. اضافه الى ذلك في بعض الحسابات يضيف كود سري يجيه عالجوال على شكل رساله نصيه . ايضا يستخدم بعض اضافات المتصفحات عشان ماينزل "مالوير" بالغلط من بعض المواقع الخطيره اللي يزورها  
يقول لامو "بعض الأحيان الواحد اذا سمع عن التقنيات اللي يستخدمها  يحس انه عايش في مشن امبوسبل" لكن المفروض على المستخدم العادي انه يتعلم من اشخاص مثل لامو بدال كثر البربره .. لأنه مهب بس يعرف يخترق اجهزه .. الا ويعرف يحمي نفسه زين بعد خاصة وان عدد ضحايا الهاكرز كل ماله يزيد .. يعني على سبيل المثال في امريكا عدد ضحايا الهكر مقدر ب 71 مليون شخص والتكاليف وصلت ل 21 بليون دولار !!!ء 
مجرمين الأنترنت الآن كل مالهم يلاقون طرق جديده يتجاوزون فيها الأنتي فايروس والباسووردات . على سبيل المثال على شان يتجاوزون الباسورردات يستخدمون برامج تجرب ملايين الباسووردات الشائعه في ثواني . يقول واحد من الكتاب في مجال التقنيه اللي لعبو في حسبته الهاكرز .. ان الباسووردات هالأيام معاد لها داعي .. وكثير من المحتريفين في مجال الحمايه يقولون انهم مايستخدمون برامج الأنتيفايروس لأن مجرمين الأنترنت يجربون طرقهم وحركاتهم على اشهر الأنتي فايروس قبل مايستخدمونها في الأختراق

طيب .. اذا كانت طرق الحمايه من مجرمين الشبكه العنكبوتيه المعروفه حاليا معاد تنفع ... كيف الواحد يحمي نفسه ؟
واحد من الهكرز المشهورين يقال له جفري موس .. واللي يستخدم النك نيم
     "Dark Tangent"
ينصج بتعطيل الجافاسكربت  في الأدوبي اكروبات ريدر لأن الهاكرز في بعض الأحيان يحطول سكربتات مالوير في ملفات البي دي اف
 موس برضه يحمل اضافه لمتصفح فايرفوكس اسمها نوسكربت وهي اضافه تسمح فقط للمواقع الموثوق بها ان تشغل الجافا سكربت ويستخدم متصفحين .. واحد للأستخدام العادي والثاني مخليه بس للأمور الحساسه مثل الأمور البنكيه وكذا
يقول موس مؤسس دف كون وبلاك هات كوفرنس "الفكره هي انك ماتفتح صفحه مشبوهه وصفحة بنك في نفس الوقت "ء
ايضا ينصح الخبراء بزيارة المواقع اللي تستخدم 
Https
عشان ما يتنصت الهاكرز على استخدامك للأنترنت عن طريق الوايرلس . لامو وكثير من المحترفين في مجال الحمايه يستخدمون اضافه اسمها
وهي اضافه تشفر اتصالك بحيث ان الهاكرز مايقدرون يتنصتون عليك
هاكر اخر مشهور وهو "اندرو ارنهايمر" يستخدم اوف ريكورد مسجنق هالأداه تساعده على انه مايخلي احد يتجسس عليه وهو يستخدم برامج المحادثه و يعرف من اللي في الطرف الآخر من المحادثه ومايترك اي اثر او دليل بأن المحادثه هذي صارت
يقول ارنهايمر انها طريقه لأستخدام برامج المحادثه بأمان وان كل اخوياه يستخدمونها

الشركات دائما يصدرون "باتشات" عشان يصلحون العيوب الأمنيه قبل مايستغلها الهاكرز . بس الكلام هذا يستغرق ايام واحيانا اسابيع . يقول ارنهايمر انه مايقدر يعيش طول هالفتره معرض للخطر عشان كذا يطلب من اي باحث في مجال السكيوريتي انه يزبط له "هوت باتش" على بال ماتصدر الشركه الباتش اللي يرقع السوفتوير حقهم

بالنسبه للمستخدم العادي هالطرق ممكن تكون فيها تشدد نوعا ما بس بالنسبه للهاكر لامو فهو يقول ان هالطرق ماتوفر له حمايه كامله (( الظاهر انه يبيله برنامج انتي فايروس بالأجنحه )) ... على حسب كلامه يقول انه افضل طريقه للحمايه في الأنترنت هي انك تكون شكاك حبتين

0 comments:

Post a Comment

Share

Twitter Delicious Facebook Digg Stumbleupon Favorites More